Geral
MINISTRU OBRAS PÚBLIKA HO EDTL,E.P. OFISIALMENTE EXTENDE ENERJIA ELETRIKA BA ORAS 18 IHA ATAÚRO
Ataúro, 5 visualizações
MINISTRU OBRAS PÚBLIKA HO EDTL,E.P. OFISIALMENTE EXTENDE ENERJIA ELETRIKA BA ORAS 18 IHA ATAÚRO Ataúro, 27 Juñu 2025 Ministru Obras Públika, Samuel Marçal akompaña hosi Komisariu Ezekutivu Servisu Tekniku, Roberto Manuel Marçal, Komisariu Ezekutivu Servisu Korporativu, Julio de Jesus Gonçalves no Prezidente Autoridade Administrativa Ataúro, Mateus Belo ofisialmente extende durasaun enerjia eletrika ba oras 18 iha Ataúro. Ministru Obras Públika iha nia intervensaun, hato’o apresiasaun ba estrutura atual EDTL,E.P. inklui funsionariu tekniku sira tanba ho sira nia servisu makaas nune’e ohin ita bele extende tan enerjia eletrisidade iha Ataúro.
MINISTRU OBRAS PÚBLIKA HO EDTL,E.P. OFISIALMENTE EXTENDE ENERJIA ELETRIKA BA ORAS 18 IHA ATAÚRO
Ataúro, 27 Juñu 2025
Ministru Obras Públika, Samuel Marçal akompaña hosi Komisariu Ezekutivu Servisu Tekniku, Roberto Manuel Marçal, Komisariu Ezekutivu Servisu Korporativu, Julio de Jesus Gonçalves no Prezidente Autoridade Administrativa Ataúro, Mateus Belo ofisialmente extende durasaun enerjia eletrika ba oras 18 iha Ataúro.
Ministru Obras Públika iha nia intervensaun, hato’o apresiasaun ba estrutura atual EDTL,E.P. inklui funsionariu tekniku sira tanba ho sira nia servisu makaas nune’e ohin ita bele extende tan enerjia eletrisidade iha Ataúro.
“Daudaun ne’e ahi eletrisidade iha Ataúro, ita extende ona ba oras 18, kona-ba estrada, hau mai iha ne’e atu rona preokupasaun komunidade nian ligadu estrada no Bee moos hanesan Ministru Obras Públika no hau prontu atu rona povu Ataúro nia lian hodi nune’e bele dezenvolve Ataúro sai diak liu hosi hadia infraestrutura públiku sira hanesan Estrada, Bee mos no Eletrisidade.
Ataúro daudaun ne’e sai ona fatin Turistiku ida tanba ne’e ita presiza dezenvolve illa Ataúro hodi bele atrai Turista sira hodi mai vizita Ataúro, se estrada, ahi eletrisidade no Bee mos la iha ema sei la mai vizita Ataúro”, hateten Ministru Obras Públika.
Iha okaziaun ne’e Ministru Obras Públika husu mos ba Autoridade Administrativa Ataúro inklui Ataúro oan tomak atu fo rai ida ba EDTL,E.P. hodi bele halo armajen kombustivel tanba daudaun ne’e fatin ba rai mina nian la iha ho razaun hirak ne’e ohin produsaun enerjia eletrika labele funsiona durante oras 24 nia laran.
Iha oportunidade hanesan Prezidente Autoridade Administrativa Ataúro, Mateus Belo hateten lori povu Ataúro nia naran hato’o agradese wain ba Ministru Obras Públika no EDTL,E.P. ba extensaun eletrisidade, espera ho extensaun ida ne’e sei tulun tebes komunidade Ataúro hodi hala’o servisu ho negosiu sira, tanba durante ne’e Ataúro asesu enerjia eletrisidade durante oras 14 maibe ho extensaun ida ne’e Ataúro bele asesu oras 18 nia laran.
Entretantu serimonia extende durasaun enerjia eletrika ba oras 18 ne’e realiza iha salaun enkontru MPC Ataúro.
Mídia MOP
