MINISTRU OBRAS PÚBLIKA ENKONTRU HO AUTORIDADE ATAÚRO HODI RONA PREOKUPASAUN KOMUNIDADE

MINISTRU OBRAS PÚBLIKA ENKONTRU HO AUTORIDADE ATAÚRO HODI RONA PREOKUPASAUN KOMUNIDADE

Ataúro, 03 Abril 2025

Ministru Obras Públika, Samuel Marçal, iha kinta-Feira ne’e akompanha hosi Presidente BTL,Ep Gustavo da Cruz no Komisariu Ezekutivu Servisu Tekniku Eletrisidade de Timor-Leste, Ep, Roberto Manuel Marçal hala’o vizita ba Ataúro halo enkontru ho Autoridade Ataúro no Autoridade Lokal sira ne’ebe realiza iha Edifisiu Autoridade Ataúro, hodi rona direita preokupasaun komunidade sira.

Ministru Obras Públika, Samuel Marçal, hatete objetivu husi vizita ne’e mak atu observa kondisaun real Infraestrutura publika sira iha Ataúro hodi tau prioridade ba iha Estrada, Bee no Eletrisidade. Iha enkontru ne’e Ministru Obras Públika, hatete ligado hoEletrisidade MOP liu husi EDTL,Ep sei esforsu hodi Munisipiu Ataúro bele asesu enerjia eletrika durante 24 oras no iha futuru sei hari’i tan planta solar iha Ataúro atu nune’e bele reduz presu eletrisidade no kustu ba kombustível.

Iha biban ne’e Presidente Autoridade Ataúro hato’o agradese wa’in ba prezensa Ministru Obras Públika hodi observa direita kondisaun infraestrutura públika iha Ataúro. Alem ne’e Autoridade Ataúro mos relata iha Ataúro 80% komunidade asesu ona eletrisidade no suku seluk iha prosesu implementasaun nia laran no husu atu aumenta oras operasaun makina produsaun enerjia eletrika nian, nune’e komunidade sira bele asesu enerjia duranre 24 oras. Hafoin remata enkontru Ministru Obras Públika ho ekipa kontinua akompanha husi Autoridade Ataúro hala’o vizita ba fatin Turistiku Akrema.*

Mídia MOP