Geral
Ministro Obras Públika Halao Monitorizasaun ba Ponte Lamara Natarbora Inklui Poste Rua Iha Betano
Same-Natarbora-Betano, 6 visualizações
Ministru Obras Públika-Samuel Marçal, hafaoin halao monitorizasaun ba Ponte Lamara,Natarbora,Manatuto inklui ponte rua (2) iha Betano, Ponte Selihasan no Ponte Kasaboka, iha sesta-feira ne’e, orienta ona ekipa tékniku hosi Ministériu Obras Públika (MOP).
Ministro Obras Públika Halao Monitorizasaun ba Ponte Lamara Natarbora Inklui Poste Rua Iha Betano
Dili, 23 Fevereiru 2024
Ministru Obras Públika-Samuel Marçal, hafaoin halao monitorizasaun ba Ponte Lamara,Natarbora,Manatuto inklui ponte rua (2) iha Betano, Ponte Selihasan no Ponte Kasaboka, iha sesta-feira ne’e, orienta ona ekipa tékniku hosi Ministériu Obras Públika (MOP).
Hafoin to iha fatin hodi hare direta kondisaun mota Lamara no Ponte Lamara, Ministru Obras Públika orienta kedan ekipa tékniku MOP, hodi aselera lais prosesu konstrusaun ba ponte refere, atu nune’e labele fo ameasa ba movimentasaun ema no transporte.
“Ponte Lamara aat Durante tinan barak ona ,presija halo intervensaun imediata nune’e labele fo’ameasa ba ema nia vida ,tamba dadaun ne’e movimentasaun ema no trasporte liu de’it hosi mota laran “hatete Ministro Obras Públika .
Kona-ba ponte Lamara, tékniku sira informa ona katak hein verifikasaun husi Ajensia Dezenvolvimentu Nasional, Institutu Públiku (ADN,IP), hafoin ADN halo ona verifikasaun kompania bele halao ona nia servisu.
Entretantu Ponte Selihasan no Ponte Kasaboka ne’ebe lokaliza iha area Betano, Munisípiu Manufahi ekipa tékniku Unidade Inspesaun Verifikasaun no Pagamentu Ministériu Obras Públika (UIVP-MOP), hafoin halo monitorizasaun hatete, ponte Selihasan presija halo fali estudu, hodi halo kalkulasaun ba dimensaun Mota nia luan, hodi bele halo fali dezenu foun, nune’e bele responde ba nesesidade iha terenu, kona-ba Ponte Kasaboka,Betano, UIVP-MOP relata ba Ministru Obras Públika, teknikamente presija hadia approach ponte nian.(*)
Media-MOP
