MINISTRIU OBRAS PÚBLIKA SELEBRA KONTRATU HO KOMPAÑIA HODI KONSTRUI EDIFISIU MOP INKLUI KONTRATU MELLORAMENTU SISTEMA BEE MOS IHA MUNISIPIU MANUFAHI

MINISTRIU OBRAS PÚBLIKA SELEBRA KONTRATU HO KOMPAÑIA HODI KONSTRUI EDIFISIU MOP INKLUI KONTRATU MELLORAMENTU SISTEMA BEE MOS IHA MUNISIPIU MANUFAHI

Dili, 11 Novembru 2025

Ministru Obras Públikas, Samuel Marçal akompañia hosi Vise-Ministru Infrastrutura, Júlio do Carmo ho Sekretário Estado Eletricidade, Água no Saneamentu, Santos Noronha lori Ministériu Obras Públikas nia naran realiza serimónia asina kontratu ho kompania PT. NUSA KONSTRUKSI ENJINERING TBK. Indonesia ba konstrusaun edifísiu foun Ministériu Obras Públikas (MOP) inklui asina mós kontratu ho komapña CNI22 bá projetu melloramenu sistema bee mos iha Munisípiu Manufahi.

Iha nia intervensaun, Ministru Obras Públikas, Samuel Marçal hatete hafoin selebra tiha kontratu ho PT. NUSA KONSTRUKSI ENJINERING TBK. Indonesia husu bá diresaun Jerais sira inklui instituisaun tuteladas sira hotu-hotu tenke hamutuk atu tau matan bá obra ne’e, hodi garante kualidade konstrusaun refere.

“Hau husu bá empreza PT. NUSA KONSTRUKSI ENJINERING TBK. Indonesia, atu servisu ho responsabilidade tuir kontratu ne’ebé asina ona”, hatete Ministru Obras Públikas iha seremónia asina kontratu ne’ebé realiza iha salaun MOP, Kaicoli, Tersa-feira ne’e.

Partisipa iha serimónia asina kontratu ne’e, Prezidenti  Institutu Gestaun Ekipamento reprezentante Ana Paula da Cruz, Prezidenti BTL.EP, Vise-Prezidente KE BTL, E.P, José Filipe Ximenes Smith, Prezidente Komisaun Ezekutiva, Eletricidade de Timor-Leste, Empresa Pública (EDTL, E.P), Paulo da Silva, Diretór Jerál Administrasaun no Finansas, João Amaral, Diretór Nasionál Estrada Ponte no Kontrolu Cheia (DNEPCC), Nene Lobato,  Diretór Gerál Habitasaun no Urbansimu (DGHU), Sr. Domingos D. J. Sequeira, kargu xefias sira inklui dirijenti kompañia rua ne’ebé ohin selebra kontratu ho MOP.*

Mídia-MOP