Ministru Obras Públika Partisipa Iha Sesaun Aprezentasaun Jornada Orsamentais
Ministru Obras Públika Partisipa Iha Sesaun Aprezentasaun Jornada Orsamentais
Dili, Setembru, 12/09/2023
Ministru Obras Públika-Samuel Marçal, inklui membru IX Governu Konstitusional sira seluk partisipa iha, diskusaun Jornadas Orsamentais, hodi deskuti preparasaun ba Orsamentu Jerál Estadu (OJE) tinan 2024.
Tema hosi Jornada Orsamentais ne’e mak “Kontinua Konsolida no Transforma Prestasaun Servisu nian liuhusi Melloria Sistema Jestaun no Estratéjia sira Investimentu nian”.
Entretantu objetivu prinsipál husi semináriu ne’e maka atu define prioridade governamentál nian sira no estabelese tetu fizkál ba tinan oin mai. Jornada Orsamentál sira sei hahú ho diskursu sira abertura nian husi Ministra Finansas, Santina José Rodrigues F. Viegas Cardoso, no husi Primeiru-Ministru, Kay Rala Xanana Gusmão.
Iha sesaun segundu aprezentasaun Jornada Orsamentais, sei ko’alia kona-ba análize situasaun makro ekonómika, dezempeñu husi investimentu Fundu Petrolíferu, informasaun sira kona-ba empréstimus husi Parserias Públiku-Privadas (PPP), apoiu hudi doadór sira, dezenvolvimentu setór finanseiru iha kontestu konstrusaun Estadu, no papél fundamentál husi husi Banku Nasionál Komérsiu Timor-Leste (BNCTL-sigla iha lian portugés) iha dezenvolvimentu ekonomia.
Sesaun terseiru nian halo aprezentasaun ba prioridade sira iha mandatu IX Governu Konstitusionál, nune’e mós objetivu sira ne’ebé maka sei alkansa. Iha kontestu ida ne’e sei analiza mos prioridades ba tinan oin mai no senáriu sira ne’ebé relasiona ho tetu fiskál tinan 2024 nian.
Iha sesaun ikus nian sei halo diskusaun kona-ba prioridades no tetu fiskál ba 2024, ne’ebé sei taka ho intervensaun husi Primeiru-Ministru.
Eventu ne’e sei konta ho partisipasaun husi membrus hotu Governu nian, husi Prezidente no membrus husi Parlamentu Nasionál, nune’e mós reprezentantes husi liña ministeriál oin-oin, ajénsias autónomas, autoridades munisipais no sosiedade sivil.(*)
Mídia MOP