Dili, 30 Agosto 2023-Ministru Obras Públika-Samuel Marçal partisipa iha selebrasaun misa eukaristia, hodi komemorasaun aniversáriu loron konsulta populár ba dala 24 ,ne'ebé monu iha loron 30 fulan-agostu.

Selebrasaun misa ne'e hahú iha tuku 9:00, ne’ebé hetan partisipasaun masimo husi membrus Governu Konstitusionál da-9 hotu inklui ho sira nia espoza, iha Igreja Parókia Balide, Dili, Kuarta ne'e.

Hafoin misa remata, hahú hosi tuku 15:00 sei halo Marxa Saudavel ida, ne’ebé sei hahú iha pontu konsentrasaun tolu – Kuluhun- Ponte Maufelo; Sentru Konvensaun Dilii (CCD); no Jardín 12 de Novembro, Motaél - to’o Jardín Ponte BJ Habibie.

Hosi CCD, sei abranje Postu Administrativu Vera Cruz no Na’in Feto, partisipante sira maihusi F-FDTL-PM, UNDIL, Ministériu Saúde, SEFOPE, PNTL Distritál. Dili, MTK, Tribunál Rekursu, MSSI, PDHJ, MAE, Autoridade Munisípiu Dili, Ministériu Justisa, UNTL, RTTL, KFP, MI, MOP, MAKLN, INFORDEPE, BTL, EDTL, Prokuradoria Dili, Komunidade Postu Adm. Vera Cruz no Na’in Feto maka sei hahú hosi ne’ebá. Abertura ba konsentrasaun ne’e sei halo hosi Vise-Ministru Administrasaun Estatál.

Husi Kuluhun-Ponte Maufelo, sei abranje Postu Administrativu Cristo Rei, partisipante sira maihusi Ministériu Justisa no Funsionárius Prizaun Bekora, PNTL Estasaun Bekora, SENAI/SEFOPE, UNITAL, Eskola Sekundária Bekora, MJDAC, Inspesaun Jerál Estadu, CVTL, BCTL, UNTL, Kuartél PNTL, no Komunidade Postu Administrativu Kristu Rei maka sei hahú hosi ne’ebá. Abertura ba konsentrasaun ne’e sei halo husi Sekretáriu Estadu Asuntus Toponímia no Organizasaun Urbana.

Ikusliu hosi Jardín 12 de Novembro, Motaél, ne’ebé abranje Postu Administrativu Dom Aleixo, partisipante sira maihusi MAPPF, SEAK, Ministériu Defeza, MPIE, MESSK, MKI, MPM, MNEK, MF, Ministériu Turizmu no Ambiente, Rejistu Sivíl no Notariadu, Tribunál Distritál Dili no Komunidade Postu Dom Aleixo maka sei hahú hosi ne’ebá. Abertura ba konsentrasaun ne’e sei halo husi Ministru Administrasaun Estatál.

Komemorasoins ne’e sei kontinua iha Jardín Ponte B. J. Habibie nia sorin, hahú husi oras tuku 16:00 ho Orasaun. Entre diskursu sira no enserramentu serimónia nian sei hala’o dada-rifas no sorteius, no mós konsertu muzikál ida.*remata

Mídia MOP