Udan no Mota Sei Boot, IGE Seidauk Bele Halo Asaun

Udan no Mota Sei Boot, IGE Seidauk Bele Halo Asaun

Dili, Kuarta, 05 Julhu 2023-Ministru Obras Publika Samuel Marçal hatete, dadaun ekipa IGE seidauk bele halo asaun ba estradasa no ponte sira ne'ebé aat tanba udan no mota sei bo'ot.

"Maibe ekipamentu ne'ebé atu koloka, prontu ona iha terenu, bainhira udan been menus oituan no mota boot menus ona, ekipa IGE bele halo ona asaun ba Ponte no dalan sira ne'ebé kotu,"hatete Ministru Obras Publika (MOP) iha palasiu governu, Kuarta ne'e.

Minstru Obras dehan, dadaun ne'e obras publikas husi munisipiu ho IGE sira halo ona survey ba fatin sira ne'ebé hetan estragus.

Ligado ho reuniaun Konsellhu ida ohin Ministru Obras Publikas hatete, reuniaun ida ohin koalia programa governu iha tinan 5 nia laran.

"Konaba projeitu sira ne'ebé governu da 8 lansa tuir irfomasaun sei kansela hotu, ministru obras hatete, nia seidauk simu instrusaun konaba ida ne'e, maibe ita sei hare projeitu sira uluk lao ne'e lao tuir lei,regras no iha verifikasaun ne'e tuir prosedimentu ka lae, depois ita sei hare,"katak MOP

Bainhira ekipa teknika sira tun ba halo verifikasaun maka hare projeitu sira ne'e la tuir lei no regras MOP sei foti asaun.

"Projeitu balun ne'ebé la tuir lei, la tuir regras, abandona hela ita sei foti asaun i sei iha ekipa teknika sira husi obras publika,Agência de Desenvolvimento Nacional (ADN) hotu-hotu sei ba halo verifikasaun,"tenik nia.* remata.