General
Primeiru Ministru Kay Rala Xanana Gusmão Akompania Hosi Ministru Obras Publika Tun Direta Ba Hare Komunidade Nia Uma Ne’ebé Afeta Inundasaun iha Loron Sesta-Feira ne'e.
Dili, 5 views
Primeiru Ministru Kay Rala Xanana Gusmão Akompania Hosi Ministru Obras Publika Tun Direta Ba Hare Komunidade Nia Uma Ne’ebé Afeta Inundasaun iha Loron Sesta-Feira ne'e. Dili, 18 Fevereiru 2024 Primeiru-Ministru-Kay Rala Xanana Gusmão iha sabadu ne’e, hamutuk ho Ministru Obras Publika-Samuel Marçal hahu’u hosi dadersan too lokraik tun direitu ba fatin risku ba dezastre hodi koloka ekipamentu pejadu hosi governu no setór privadu hodi suru sai raihenek, tahu no foer ne’ebé nakunu intupidu estrada no komunidade nia uma.
Primeiru Ministru Kay Rala Xanana Gusmão Akompania Hosi Ministru Obras Publika Tun Direta Ba Hare Komunidade Nia Uma Ne’ebé Afeta Inundasaun iha Loron Sesta-Feira ne'e.
Dili, 18 Fevereiru 2024
Primeiru-Ministru-Kay Rala Xanana Gusmão iha sabadu ne’e, hamutuk ho Ministru Obras Publika-Samuel Marçal hahu’u hosi dadersan too lokraik tun direitu ba fatin risku ba dezastre hodi koloka ekipamentu pejadu hosi governu no setór privadu hodi suru sai raihenek, tahu no foer ne’ebé nakunu intupidu estrada no komunidade nia uma.
Entretantu udan boot ne’ebé akontese iha loron sesta-feira (16/02/24) lokraik rezulta komunidade lubuk ida nia uma hetan estragus inklui lakon sasan uma laran. Fatin hirak ne’ebé risku ba dezastre maka, Bidau Lesidere, Kuluhun, Ponte Becora,Taibesi, Lahane, STM Becora kotuk, Hera Akanunu no fatin balun tan.
Bainhira to iha fatin, Primeiru-Ministru fo kedan orientasaun hodi kompras sasán nesidade baziku sira, hodi fahe direita ba komunidade ne’ebé afeta ba inundasaun hahú hosi área Igreja Akanunu, Taibesi-Bekuse parte STM kotuk no halo obserbasaun direita ba uma kain rua ne’ebé ai-halihun boot tohar no hanehan iha Taibesi-Matando.
Durante halao vizita ba fatin hirak ne’e, Primeiru-Ministru orienta kedan Ministru Obras Públika atu hadia emerjensia estrada, ponte inklui moru protesaun estrada nian ne’ebé mota estraga.
“Ita identifika ona fatin sira ne’ebé aat, ita tun direta ajuda hadia no suru sai tiha tahu ho foer, iha uma laran no hadia kedas fatin hirak ne’e, hodi salva komunidade sira husi risku ba dezastre,”hatete PM Xanana Gusmão.
Hafoin simu tiha orientasaun husi Primeiru-Ministru, Ministru Obras Públika-Samuel Marçal, hamutuk ho ekipa Ekipa MOP no IGE-ADI ne’ebé lidera hosi Prezidentio IGE Ana Paula da Cruz ne’ebé akompania hosi Vogal I (IGE-ADI)-Almerio Caerio Alves, koloka kedan ekipamentu pejadu governu nian no hetan apoia hosi Kompaña Montana Diak, Marabia LDA, no Dili United, BTK no Star King hodi halo normalizasaun ba estrada iha área ne’ebé afetadu.
Dezastre naturál ne’ebé akontese mezmu la rezulta ema ruma mate no kanek, maibé Xefe Governu Xanana orienta mós Sekretáriu Estadu Protesaun Sivil (SEPS), Domingos Mariano Reis, Sekretariu Estadu Asuntu Toponómia no Organizasaun Urbana, Germano Santa Brites Dias organiza direita ekipa apoia komunidade hodi lori apoia umanitaria ba vitima sira.
Ekipa SEPS rekolla dadus provizoriu hosi Becora-Bekusi Kraik, Taibesi hamutuk uma kain 30 liu maka sofre makas, tanba mota sobu uma no moru protesaun.
Sekretáriu Estadu Protesaun Sivil (SEPS), Domingos Mariano Reis rasik hahú hodi kalan tun hamutuk ho ekipa Bombeiros no Protesaun Sivil nian tun direita hodi salva vitima sira inklui rekolla dadus vitima sira hodi fó apoia nesidade baziku no material kontrusaun.
Tuir agenda, ne’ebé iha, aban loron domingu (18/02/24), Ministru Obras Públika ho ekipa tekniku Ministériu Obras Públika, Ekipa IGE-ADI inklui ekipa Autoriedade Protesaun Sivil (Bombeiros) sei kontinua hala’o nafatin vizita ba fatin sira ne’ebé afeta ba inundasaun, mota no valeta bee dalan sira ne’ebé sei nakonu ho sedimentasaun, sei normaliza hotu atu nune’e labele fo ameasa ba komunidade sira.(*)
MÍdia-MOP
