Intrastructure
PREZIDENTE ADB PRONTU APOIU DEZENVOLVIMENTU TIMOR-LESTE
Dili, 5 views
PREZIDENTE ADB PRONTU APOIU DEZENVOLVIMENTU TIMOR-LESTE Dili, 17 Jullu 2025 Ministru Obras Públika, Samuel Marçal ho Ministru Transporte no Komunikasaun, Miguel Marques Gonçalves Manetelu akompañia Ministra Finansas, Santina José Rodrigues F. Viegas Cardoso simu Prezidente Asian Development Bank (ADB) Masato Kanda iha Aeroportu Internasional Prezidente Nicolau Lobato, Kinta-feira ne’e. Prezidente ADB Masato Kanda hateten nia sente onradu tebes bele mai iha Timor-Leste nu’udar Prezidente Banku Dezenvolvimentu Aziátiku ida ne’e hanesan vizita dahuluk nian.
PREZIDENTE ADB PRONTU APOIU DEZENVOLVIMENTU TIMOR-LESTE
Dili, 17 Jullu 2025
Ministru Obras Públika, Samuel Marçal ho Ministru Transporte no Komunikasaun, Miguel Marques Gonçalves Manetelu akompañia Ministra Finansas, Santina José Rodrigues F. Viegas Cardoso simu Prezidente Asian Development Bank (ADB) Masato Kanda iha Aeroportu Internasional Prezidente Nicolau Lobato, Kinta-feira ne’e.
Prezidente ADB Masato Kanda hateten nia sente onradu tebes bele mai iha Timor-Leste nu’udar Prezidente Banku Dezenvolvimentu Aziátiku ida ne’e hanesan vizita dahuluk nian.
“Ha’u sente onradu tebes bele vizita Timor-Leste ba dahuluk nu’udar Prezidente Banku Dezenvolvimentu Aziátiku. Ha’u agradese ba benvindu ne’ebe mak hato’o mai ha’u. Dezde 2002, ADB sai ona ita-boot nia parseiru ne’ebe fiar, investe iha infraestrutura, dezenvolvimentu umanu no oportunidade foun ba ema hotu. Enkuantu Timor-Leste prepara adezaun istoriku ba Asosiasaun Nasaun Sudeste Aziátiku (ASEAN), ha’u sente orgullu ho kna’ar ADB nian hodi apoiu Timor-Leste. Adezaun ba ASEAN hanesan odamatan ba posibilidade foun ba Komersiu, Investimentu no Kooperasaun” hateten Prezidente ADB Masato Kanda.
Nia haktuir, ezemplu prinsipal ida hosi parseira ne’e nia asaun maka halo vizita ba Aeroportu Internasional Prezidente Nicolau Lobato, iha ne’ebe ADB halo ona investimentu millaun $297.9 hodi transforma hela Timor-Leste nia odamatan prinsipal ba mundu.
“Durante ha’u nia vizita, ha’u hein atu hasoru malu ho Timor-Leste nia lider sira hodi koalia konaba oinsa ADB bele apoiu liutan prioridade dezenvolvimentu Nasaun nian. Importante liu, ha’u mai iha ne’e atu rona no aprende hosi povu Timor-Leste. Ami nia apoiu sei kontinua iha etapa hotu-hotu” hateten Masato Kanda.
Hafoin to iha Aeroportu Internasional Prezidente Nicolau Lobato, Prezidente ADB, Masato Kanda simu direita hosi Ministra Finansas, Santina José Rodrigues F. Viegas Cardoso akompañia hosi Ministru Obras Públika, Samuel Marçal ho Ministru Transporte no Komunikasaun, Miguel Marques Gonçalves Manetelu.*
Mídia-MOP
