Intrastructure
PM XANANA TAU FATUK DAHULUK BA PROJEITU REHABILITASAUN ESTRADA URBANA HOSI BELOI BA VILA MAUMETA
Ataúro, 7 views
PM XANANA TAU FATUK DAHULUK BA PROJEITU REHABILITASAUN ESTRADA URBANA HOSI BELOI BA VILA MAUMETA Atauro, 11 Outubru 2025 Primeiru-Ministru, Kay Rala Xanana Gusmão akompañia hosi Ministru Obras Públika, Samuel Marçal, Ministru Administrasaun Estatal, Tomas do Rosário Cabral, Sekretariu Estadu Asuntu Toponímia no Organizasaun Urbana, Germano Santa Brites Dias, Vise-Ministru Asuntu Infraestrutura, Júlio do Carmo, Sekretariu Estadu Floresta, Fernandino Vieira da Costa ho Prezidente Autoridade Administrativu Ataúro, Mateus Belo iha loron Sabadu ne’e ofisialmente tau fatuk dahuluk ba projeitu rehabilitasaun estrada urbana Ataúro husi Beloi to’o Vila Maumeta iha Autoridade Administrativa Ataúro. Projeitu rehabilitasaun estrada urbana ne’e sei implementa hosi kompañia Tinolina Unipessoal,Lda.
PM XANANA TAU FATUK DAHULUK BA PROJEITU REHABILITASAUN ESTRADA URBANA HOSI BELOI BA VILA MAUMETA
Atauro, 11 Outubru 2025
Primeiru-Ministru, Kay Rala Xanana Gusmão akompañia hosi Ministru Obras Públika, Samuel Marçal, Ministru Administrasaun Estatal, Tomas do Rosário Cabral, Sekretariu Estadu Asuntu Toponímia no Organizasaun Urbana, Germano Santa Brites Dias, Vise-Ministru Asuntu Infraestrutura, Júlio do Carmo, Sekretariu Estadu Floresta, Fernandino Vieira da Costa ho Prezidente Autoridade Administrativu Ataúro, Mateus Belo iha loron Sabadu ne’e ofisialmente tau fatuk dahuluk ba projeitu rehabilitasaun estrada urbana Ataúro husi Beloi to’o Vila Maumeta iha Autoridade Administrativa Ataúro.
Projeitu rehabilitasaun estrada urbana ne’e sei implementa hosi kompañia Tinolina Unipessoal,Lda.
Iha nia intervensaun PM Xanana hatete lori povu Ataúro nia naran husu ba Empreza ne’ebe toma responsavel ba projeitu estrada ne’e tenke ho diak no kualidade.
“Lori povu Ataúro nia naran hau husu ba Empreza Tinolina atu halo ho kualidade tanba osan ne’e osan povu nian, tenke jere ho diak. Ba Ataúro oan sira se imi hakarak dezenvolvimentu lao ho diak tenke koopera. Husu mos ba joven sira tenke estuda, hau lakoi iha fatin ne’e akontese problema atu nune’e projeitu refere bele hotu tuir tempu ne’ebe termina ona iha konkortu”, hatete PM Xanana.
PM Xanana hatete Ataúro daudaun ne’e hakat tan pasu importante ida bainhira projeitu rehabilitasaun estrada urbana ne’e remata bele fasilita atividade ekonomiku hodi apoiu dezenvolvimentu turizmu iha illa ne’e.
Iha serimonia tau fatuk dahuluk ne’e komunidade Lisan Loropui ofisialmente entrega rai ho medida 50.000 metrus Quadrados ba estadu ne’ebe entrega direita ba Primeiru Ministru, Kay Rala Xanana Gusmão hodi konstrui Solar Photovoltaic (Solar PV) ho kapasidade 2MWp no Battery Storage System (BESS) 2 Megawatts/hours nune’e bele subtitui uso Gasóleo.
Rai refere lokaliza iha Aldeia Usubemasu, Suku Beloi ne’ebe tuir planu Eletrisidade de Timor-Leste, Empreza Públika (EDTL,E.P.).
Serimonia ne’e hetan mos partisipasaun hosi Deputadu, Diretor Jeral Estrada, Ponte, Prevensaun no Kontrolu, Nene Lobato, Diretor Nasional Konstrusaun Vias Rodoviarias, Milton Ramanata de Castro Monteiro, Koordenador Unidade Inspesaun, Verifikasaun no Pagamentu, Aleixo Amaral do Carmo, Diretora Nasional Aprovisionamentu MOP, Isabel Maria Lay Guterres, Adjuntu ADN, Januariu, Sekretariu Grande Projeitu, Komisariu Tekniku EDTL,E.P., Roberto Manuel Marçal, Komisariu Ezekutivu Servisu Koorperativu, Júlio de Jesus Gonçalves, ekipa tekniku MOP, Xefe Gabinete, Diretor Jeral no Diretor Nasional sira husi Ministeriu relevante, Veteranus, Komandante PNTL no F-FDTL, Konfisaun Relijioza, Diretor Ezekutivu FEDA ho Estrutura, Diretor Servisu Munisipal sira, Sekretariu Munisipal, Xefe Suku sira, Lia Nain, Estudante, Professor, Juventude no komunidade sira hotu ne’ebe espresa sentimentu kontente no apoiu makas ba projeitu ne’e.*
Mídia-MOP
