Intrastructure
PM XANANA LANSA DAHULUK BA REHABILITASAUN ESTRADA LUKA-LAKLUTA
Viqueque, 9 views
PM XANANA LANSA DAHULUK BA REHABILITASAUN ESTRADA LUKA-LAKLUTA Viqueque, 05 Outubro 2025 Primeiru-Ministru, Kay Rala Xanana Gusmão, akompañia husi Ministru Obras Públikas, Samuel Marçal, Prezidente Autoriedade Viqueque, Francisco C.S de Gonzaga hatur fatuk dahuluk ba projetu reabilitasaun estrada husi Rai-hun, Suku Luka, Posto Administrativu Vique-que Vila liga bá Postu Administrativu Lakluta ho distánsia kilómetru 14. Iha seremónia lansamentu ne'e PM Xanana hateten lansamentu estrada ne'e laos prezente ida povu Lakluta, maibe ida ne’e nu'udár devér husi Governu hodi ezerse nia komprimisiu hodi hadia infraestrutura sira iha area rural.
PM XANANA LANSA DAHULUK BA REHABILITASAUN ESTRADA LUKA-LAKLUTA
Viqueque, 05 Outubro 2025
Primeiru-Ministru, Kay Rala Xanana Gusmão, akompañia husi Ministru Obras Públikas, Samuel Marçal, Prezidente Autoriedade Viqueque, Francisco C.S de Gonzaga hatur fatuk dahuluk ba projetu reabilitasaun estrada husi Rai-hun, Suku Luka, Posto Administrativu Vique-que Vila liga bá Postu Administrativu Lakluta ho distánsia kilómetru 14.
Iha seremónia lansamentu ne'e PM Xanana hateten lansamentu estrada ne'e laos prezente ida povu Lakluta, maibe ida ne’e nu'udár devér husi Governu hodi ezerse nia komprimisiu hodi hadia infraestrutura sira iha area rural.
“Estrada ne'ebé ohin ita lansa ne'e, la'ós prezente maibé ida-ne'e faz parte ida husi Governu nia dever hodi kria kondisaun estrada, bee moos no eletrisidade ba povu Lakluta. Hau kontenti tanba Lakluta oan sira hahu'u husi katuas,ferik fuuk mutin ho alin kiik oan sira kontente ho lansamentu estrade ne’e,”dehan PM Xanana.
Alende ne’e xefe Governu lori mós komunidade Lakluta nia naran hodi husu ba empreza ne’ebé toma resposavel ba projeitu estrada ne’e atu kaer obra ne’e ho diak.
“Ha'u lori povu Lakluta nia naran husu empreza halo estrada ho di'ak no kualidade. Husu mós ba joven sira hau lakohi iha fatin ne'e akontese, problema Arte Marsiais, husu mós ba imi atu hadomi malu labele kria rivalidade entre grupu atu nune’e projeitu refere bele hotu tuir tempu termina ona iha kontratu,”hatete PM Xanana.
Iha biban ne’e Ministru Obra Públikas (MOP), Samuel Marçal haktuir konstrusaun ba obra ne'e uza povu nia osan, tanba ne'e iha seremónia lansamentu asina mós kontratu ba konstrusaun estrada ne’e iha komunidade Lakluta nia oin, atu nune’e povu bele sai sasin ba kontratu entre governu no empreza sira.
“Hau husu ba joven sira atu labele halo impedimentu ba iha projeitu estrada ne’e, obra ne'e ita-nian, halo ba ita no ita mak uza. Ne'ebé labele hanesan iha fatin seluk ne'ebé ezije estrada depoiz ita halo, sira mak halo fali impedimentu”, dehan Ministru Obras Públikas.
Entretantu, projetu ne'e Ministru Obras Públikas (MOP), Samuel Marçal asina direita ho empreza responsavel rua. Ba reabilitasaunn Lot A, STA 0+00-STA 7+00, kontratu SSS/135/MOP-2025, sei gasta $4.000.215,67, husi Kimberlie konstrusaun Unip, Lda.
Enkuantu, ba Lot B STA 7+00-STA 13+922.67, kontratu SSS/136/MOP- 2025, sei gasta $3.494.938,50, projeituu estrada ne’e konstrui hosi kompania Hoven II Unip, Lda ho durasaun servisu tinan ida, hahú 04 Outubru 2025 sei remata iha 04 Outubru 2026.
Projeitu estrada ne’e lansa husi PM Kay Rala Xanana Gusmão akompañiadu Ministru Obras Públika, Samuel Marçal, Autoridade Munisípu Vique-que, Deputadu CNRT, José Virgilio, Diretór Jerál Estrada Ponte Prevensaun no Kontrolu, Nene Lobato, Diretór Jerál Habitasaun Urbanismu, Domingos de Jesus Sequeira, Diretór Nasional Konstrusaun Vias Rodaviarias, Milton Ramanata de Castro Monteiro, Kordenador Unidade Inspesaun Verifikasaun no Pagamentu, Aleixo Amaral do Carmo, Diretóra Nasionál Aprovizionamentu MOP, Isabel Maria Lay Guterres,Sekretariu Grande Projetu, ADN, PNTL Munisípiu Vique-que, Autoriedade Posto Lakluta, Komandante Polísia Nasionál Timor-Leste (PNTL) Munisípiu Vique-que no hetan partisipa másimu husi populasaun Postu Lakluta.*
Mídia-MOP
