General
MOP OBSERVA DIREITA NO ORIENTA ONA DJEPPKS HALO NORMALIZASAUN EMERJENSIA BA ESTRADA KOTU IHA BEE-MEAN ENTRE ZUMALAI-BOBONARO
7 views
Ministru Obras Públikas (MOP), Eng. Abel Pires da Silva, observa direita kondisaun estrada bee-mean entre Zumalai, munisípiu Kovalima ho Bobonaro, munisípiu Bobonaro nian ne’ebé kotu iha área aldeia Biata, suku Fatuletu, postu administrativu Zumalai, munisípiu Kovalima, ne’ebé kotu totál kauza husi udan-boot horseik Kuarta, 12 fulan-Abril 2023.
Zumalai, 13 Abril 2023: Ministru Obras Públikas (MOP), Eng. Abel Pires da Silva, observa direita kondisaun estrada bee-mean entre Zumalai, munisípiu Kovalima ho Bobonaro, munisípiu Bobonaro nian ne’ebé kotu iha área aldeia Biata, suku Fatuletu, postu administrativu Zumalai, munisípiu Kovalima, ne’ebé kotu totál kauza husi udan-boot horseik Kuarta, 12 fulan-Abril 2023.
Durante observasaun, Sr. Ministru akompaña husi Diretór Jerál Estrada, Ponte, Prevensaun no Kontrollu i Seias (DJEPPKS), Eng. Rui Hernani, no tékniku sira, inklui tékniku kompañia nasionál balun. Iha observasaun ne’e, Sr. Ministru orienta tékniku DJEPPKS koordena ho kompañia hodi halo atendimentu emerjénsia ba estrada refere, liuliu loke dalan alternativu hodi fasilita movimentasaun komunidade iha área refere.
Iha tempu hanesan orienta mos teknik sira prepara solusaun permanenti ba problema ida ne.
Bazeia ba orientasaun ne’e, tékniku DJEPPKS sei koordena ho kompañia nasionál ne’ebé iha kapsidade hodi halo normalizasaun liuliu loke dalan alternativu hodi fasilita movimentasaun transporte públiku no privadu liuliu komunidade munisípiu Kovalima no Bobonaro ne’ebé asesu ba estrada refere.
