MOP HAHÚ HALO NORMALIZASAUN BA PONTE KOTU IHA ATARA ATSABE

Atsabe, 20 Abril 2023: Ministériu Obras Públikas (MOP), liuhosi kompañia lokál Aitula, hahú halo servisu normalizasaun ba ponte ne'ebé kotu iha suku Atara, postu administrativu Atsabe, munisípiu Ermera, ne'ebé hetan estragus husi udan-boot iha semana hirak liubà. Iha tempu hanesan teknik sira mos halo preparasaun atu konstrui ponte foun hodi truka ponte tuan ida ne.

Ponte ne'e kotu fó impaktu tebes ba movimentasaun komunidade nian iha área refere, nune'e sei loke dalan alternativu hodi bele fasilita movimentasaun komunidade no transporte iha parte refere.

Antes ne'e, Ministru Obras Públikas (MOP), Eng. Abel Pires da Silva, hala'o ona observasaun direita no orienta Diresaun Jerál Estrada, Ponte, Prevenaaun no Kontrollu i Seias (DJEPPKSatu koordena ho kompañia Aitula no kompañia ne'ebé iha kapasidade atu bele halo normalizasaun emerjénsia ba estrada refere.