MINISTRU OBRAS PÚBLIKA LANSA KÓDIGU KONDUTA NO HAND OVER KARETA BTL,E.P

MINISTRU OBRAS PÚBLIKA LANSA KÓDIGU KONDUTA NO HAND OVER KARETA BTL,E.P

Dili, 27 Fevereiro 2025

Ministru Obras Públika, Samuel Marçal ho Vise-Ministru Infraestrutura, Julio do Carmo akompanha hodi Prezidente Komisaun Ezekutiva (KE), Bee Timor-Leste,Empreza Públika (BTL,E.P), Sr. Gustavo da Cruz hamutuk ho Vise-Prezidente KE BTL,E.P ba Asuntu Tekniku, Sr. José Filipe Ximenes Smith no Vise-Preziente KE BTL,E.P ba Asuntu Korporativu, Sr. Manuel Tomas Amaral de Carvalho, ofisialmente lansa kódigu konduta no hand over kareta BTL,E.P nian, hodi fasilita tekniku sira atua lo operasaun hodi servi povu nia nesesidade.

Atividade lansamentu ne’e realiza iha resintu Edifisiu Sentral BTL,E.P, Caicoli, Kinta-feira ne’e. Iha intervensaun Ministru Obras Públika, Samuel Marçal husu ba funsionariu tmak BTL,E.P atu kumpri no ezekuta kódigu konduta ne’e didiak.

“Bainhira servisu laiha konsiensia maki mi sei la ezekuta kódigu konduta n’'e ho diak no kódigu konduta ne’e sei soe deit iha gaveta, maibe mos bainhira imi servisu ho fuan hodi hadomi rai no povu ida ne’e no sai servidor ba Estadu no Povu tenke servi ho fuan atu nune’e rai ida ne’e bele tane nafatin ita”, hateten Ministru Obras Públika iha nia intervensaun.

Iha biban ne’e Ministru Obras Públika enkoraza mos funsionariu BTL,E.P atu brani foti desizaun bainhira hare buat ruma ne’ebe sala dehan sala, hatudu responsabilidade hodi halo intervensaun imediata.

“Liafuan brani ne’e prega hodi koalia buat loos, bainhira ia buat ruma ne’ebe sala, tenke hatete sala wainhira la brani hodi koalia sai buat loos maka kódigu konduta ne’e la vale ka la forte iha implementasaun. Hadomi imi nia profisaun hatudu responsabilidade hodi halo intervensun imediata ba problema bee moos”.

Iha serimonia lansamentu kódigu konduta ne’e, Ministru Obras Públika hand over kareta hamutuk 19, Suzuki Carry 16 no Toyota Hilux 3 ba funsionariu BTL,E.P odi fasilita servisu operasional iha terenu. Ministru Obras Públika hatete, kareta hirak ne’ebe atu halo hand over utiliza hodi halo servisu operasional BTL,E.P nian.

“Kareta hirak ne’ebe mak sei entrega bai ta boot sira, tenke utiliza duni ba operasional hodi servi povu nia nesesidade loron-loron nian”, hateten Ministru Obras Públika.

Iha fatin hanesan Prezidente KE BTL,E.P, Gustavo da Cruz hatete hanesan empreza públika presiza BTL,E.P tenke iha kódigu konduta ida hodi guia empreza atu la’o tuir lala’ok ne’ebe iha. Esforsu tomak ne’ebe BTL,E.P halo h onia finalidade mak Ministru Obras Públika aprova ona kódigu konduta ba iha empreza ne’e atu sai guiaun ba Ezekutivu sira, hodi lori empreza ne’e tuir dalan ne’ebe loos no tuir lei.

“Dadaun ne’e BTL,E.P prepara hela esbosu lubuk ida, ne’ebe iha tempu badak sei submete atu bele kompleta nesesidade ba enkuadramentu legal sira ne’ebe mak hodi guia empreza ne’e la’o, ida ne’e hanesan parte ida atu ezekutivu sira lori instituisaun ne’e hamutuk ho ninia traballador sira hodi atinji metas ne’ebe mak governu hatuur liu hosi planu estratejiku dezenvolvimentu nasional tinan 2011-2030”, hateten Prezidente KE BTL,E.P.

Entretantu partisipa iha serimonia lansamentu no hand over kareta 19 ne’e, reprezentante SEEAS, Xefe Gabinete MOP no Xefe Gabinete VMI, PMU/MOP/TL,E.P nomos  funsionariu BTL,E.P.*

Mídia MOP