Intrastructure
MINISTERIU OBRAS PÚBLIKA SOSIALIZA PROSESU APROVISIONAMENTU PAGAMENTU VERIFIKASAUN NO SUPERVIZAUN PROJEITU BA EMPREZA LOKAL HOSI MUNISIPIU TOLU IHA AINARU
Ainaro, 8 views
MINISTERIU OBRAS PÚBLIKA SOSIALIZA PROSESU APROVISIONAMENTU PAGAMENTU VERIFIKASAUN NO SUPERVIZAUN PROJEITU BA EMPREZA LOKAL HOSI MUNISIPIU TOLU IHA AINARU Ainaro, 30 Maio 2025 Ministru Obras Públika, Samuel Marçal, iha Sexta-feira ne’e akompanha hosi Sekretariu Munisipal Planeamentu Investimentu Dezenvolvimentu Integrado, Albertino de Araújo partisipa iha atividade sosializasaun prosesu aprovisionamentu, pagamentu Verifikasaun no Supervizaun projeitu ba empreza Lokal hosi munisipiu tolu “Manufahi, Ainaro no Covalima” atividade ne’e realiza iha salaun Autoridade Munisipiu Ainaro. Iha intervensaun Ministru Obras Públika hatete sosializasaun ida ne’e importante teb-tebes ba oin Governu sei tau matan no buka meius hodi suporta setor privadu sira inklui rona direita preokupasaun no problema ne’ebe mak sira hasoru durante ne’e no Governu atu bele ajuda hadia sira nia setor privadu sira, nune’e sira mos bele dezenvolve a’an diak iha futuru mai, kuandu sira iha ona kapasidade sira bele halo investimentu no loke kampo traballu ba joven sira.
MINISTERIU OBRAS PÚBLIKA SOSIALIZA PROSESU APROVISIONAMENTU PAGAMENTU VERIFIKASAUN NO SUPERVIZAUN PROJEITU BA EMPREZA LOKAL HOSI MUNISIPIU TOLU IHA AINARU
Ainaro, 30 Maio 2025
Ministru Obras Públika, Samuel Marçal, iha Sexta-feira ne’e akompanha hosi Sekretariu Munisipal Planeamentu Investimentu Dezenvolvimentu Integrado, Albertino de Araújo partisipa iha atividade sosializasaun prosesu aprovisionamentu, pagamentu Verifikasaun no Supervizaun projeitu ba empreza Lokal hosi munisipiu tolu “Manufahi, Ainaro no Covalima” atividade ne’e realiza iha salaun Autoridade Munisipiu Ainaro.
Iha intervensaun Ministru Obras Públika hatete sosializasaun ida ne’e importante teb-tebes ba oin Governu sei tau matan no buka meius hodi suporta setor privadu sira inklui rona direita preokupasaun no problema ne’ebe mak sira hasoru durante ne’e no Governu atu bele ajuda hadia sira nia setor privadu sira, nune’e sira mos bele dezenvolve a’an diak iha futuru mai, kuandu sira iha ona kapasidade sira bele halo investimentu no loke kampo traballu ba joven sira.
“Objetivu hosi sosializasaun ida ne’e mak atu eleva koñesimentu Emprezariu Lokal hodi hasae koñesimentu oinsa bele priense dokumentus ligadu ho prosesu Aprovisionamentu, Pagamentu, Verifikasaun no Supervisaun projeitu, hodi bele tuir tenderizasaun. Tamba ida ne’e ita (MOP) hahu’u atu halo prakualifikasaun ba empreza sira. Hafoin hetan ona sertifikadu rekoñesimentu hosi MOP, ita boot sira iha direitu tomak atu hola parte ka tuir prosesu tenderizasaun ba projeitu infraestrutura sira iha teritoriu nasional” hatete Ministru Obras Públika iha nia intervensaun.
Ministru Obras Públika haktuir, bainhira Governu liu hosi MOP prontu ona atu fo apoiu ba emprezariu sira. Governu prontu promove setor privadu, tamba ne’e hau husu ba emprezariu ne’ebe hatoman a’an hodi husu % para ona ho aktu ida ne’e, karik ita boot sira hakarak join venture.
Iha fatin hanesan, Sekretariu Munisipal Planeamentu Investimentu Dezenvolvimentu Integradu, Albertino de Araújo husu ba Sua Exelênsia Ministru Obras Públika atu hare estrada urbana Ainaro Villa nafatin aat difikulta komunidade atu lori sira nia produtu asesu ba merkadu, nune’e mos estrada Fleixa liga ba Postu Administrativu Hato-Builico, tamba iha futuru Ramelau sei fo rendimentu diak ba Governu.
Atividade sosializasaun ne’e partisipa hosi Diretor Jeral Administrasaun Finansas, João Amaral, Koordenador Unidade Inspesaun Verifikasaun no Pagamentu, Aleixo Amaral do Carmo, Xefe Unidade Planeamentu, Tito Edegar, Diretora Aprovisionamentu, Isabel Maria Lay Guterres, Prezidente CCI-TL Munisipiu Ainaro no Emprezariu Lokal sira husi Munisipiu Ainaro, Manufahi no Covalima.*
Mídia MOP
