Intrastructure
KOMUNIDADE UARO-ANA SUKU BIQUELI KONTENTE MINISTRU OBRAS PÚBLIKA HO EDTL,E.P. INAUGURA PROJEITU ELETRIFIKASAUN IHA SIRA NIA ALDEIA
Ataúro, 4 views
KOMUNIDADE UARO-ANA SUKU BIQUELI KONTENTE MINISTRU OBRAS PÚBLIKA HO EDTL,E.P. INAUGURA PROJEITU ELETRIFIKASAUN IHA SIRA NIA ALDEIA Ataúro, 27 Juñu 2025 Ministru Obras Públika, Samuel Marçal iha Sexta-feira ne’e akompaña hosi Komisariu Ezekutivu Servisu Tekniku, Roberto Manuel Marçal, Komisariu Ezekutivu Servisu Korporativu, Julio de Jesus Gonçalves, Autoridade Administrativa Ataúro, Mateus Belo ofisialmente inaugura projeitu eletrifikasaun iha aldeia Uaru-Ana, Suku Biqueli hodi oferese enerjia eletrika ba uma kain hamutuk atus ida lima nulu resin lima (155) liu hosi implementasaun projeitu eletrifikasaun PEN-7. Iha intervensaun Ministru Obras Públika, Samuel Marçal hato’o parabens ba komunidade sira tanba asesu ona enerjia eletrika, daudaun ne’e IX Governu Konstituisional liu hosi MOP-EDTL,E.P. sei nafatin esforsu hodi dada liña eletrisidade ba aldeia sira ne’ebe seidauk asesu eletrisidade, Bee mos no Estrada.
KOMUNIDADE UARO-ANA SUKU BIQUELI KONTENTE MINISTRU OBRAS PÚBLIKA HO EDTL,E.P. INAUGURA PROJEITU ELETRIFIKASAUN IHA SIRA NIA ALDEIA
Ataúro, 27 Juñu 2025
Ministru Obras Públika, Samuel Marçal iha Sexta-feira ne’e akompaña hosi Komisariu Ezekutivu Servisu Tekniku, Roberto Manuel Marçal, Komisariu Ezekutivu Servisu Korporativu, Julio de Jesus Gonçalves, Autoridade Administrativa Ataúro, Mateus Belo ofisialmente inaugura projeitu eletrifikasaun iha aldeia Uaru-Ana, Suku Biqueli hodi oferese enerjia eletrika ba uma kain hamutuk atus ida lima nulu resin lima (155) liu hosi implementasaun projeitu eletrifikasaun PEN-7.
Iha intervensaun Ministru Obras Públika, Samuel Marçal hato’o parabens ba komunidade sira tanba asesu ona enerjia eletrika, daudaun ne’e IX Governu Konstituisional liu hosi MOP-EDTL,E.P. sei nafatin esforsu hodi dada liña eletrisidade ba aldeia sira ne’ebe seidauk asesu eletrisidade, Bee mos no Estrada.
“Horseik ita halo inaugurasaun eletrisidade iha Suku Biqueli, aldeia Uaru-Ana ba familia hamutuk atus ida lima nulu resin lima (155), ne’ebe desde tempu Portugeza mai to’o tempu indonezia no depois ita ukun a’an tinan ruan ulu resin ona sira foin asesu eletrisidade, tanba ne’e mak horseik hau haree hafoin ita inaugural inan aman ho idozu sira balun tanis no kontenti tanba iha tinan naruk nia laran sira foin senti naroman hosi eletrisidade lakan iha sira nia aldeia laran”, hateten Ministru Obras Públika hafoin halo inaugurasaun ba projeitu eletrifikasaun iha aldeia Auro-Ana.
Ministru Obras Públika mos informa ba komunidade sira katak dadaun ne’e rasiu eletrifikasaun nasional iha nivel suku atinje ona 100% no ba aldeia sira ne’ebe seidauk asesu eletrisidade Ministeriu Obras Públika liu hosi EDTL,E.P. sei halo esforsu atu iha tinan ida ne’e ka tinan oin mai sei implementa projeitu eletrifikasaun ba aldeia sira ne’ebe seidauk asesu hodi nune’e sira bele asesu enerjia eletrika.
Iha biban ne’e Xefi Suku Biqueli, Daniel Martins hato’o agradese ba Governu no ba parte hotu ne’ebe esforsu maka’as, nune’e ohin aldeia Uaru-Ana bele asesu ona enerjia eletrika. Suku Biqueli iha aldeia hamutuk 4 no aldeia 3 mak daudaun ne’e asesu ona enerjia eletrika hela aldeia ida mak seidauk, maibe daudaun ne’e iha ona prosesu konstrusaun nia laran, espera iha tempu badak bele asesu ona enerjia eletrika.
Implementasaun projeitu eletrifikasaun iha aldeia Uaru-Ana no Bairo Akrema, Suku Biqueli Ataúro ho distansia liña MT 5,3kms, BT 6,2kms transformador 50kVA unidade 1 no benifisia komunidade hamutuk uma-kain 155 obra refere implementa hosi kompaña Irmaun, Unip,Lda.*
Mídia MOP
