General
KM Aprova Rezolusaun Governu Kona-ba Prezervasaun Bee Inklui Planu Intervensaun Hodi Reabilita Urjente Infraestrutura Ne'ebé Hetan Estragus Hosi Kalamidade
Dili, 4 views
KM Aprova Rezolusaun Governu Kona-ba Prezervasaun Bee Inklui Planu Intervensaun Hodi Reabilita Urjente Infraestrutura Ne'ebé Hetan Estragus Hosi Kalamidade Dili, 27 Setembru 2023 Ministru Obras Públika-Samuel Marçal iha kuarta ne'e, partisipa reuniaun Konsellu Ministru (KM), ne'ebé lidera hosi Primeiru Ministru Kay Rala Xanana Gusmão, iha Palasiu Governu. Iha reuniaun ne'e Konsellu Ministrus aprova ona projetu Rezolusaun Governu kona-ba nesesidade vijilánsia no prezervasaun ba sistema abastesimentu bee nian.
KM Aprova Rezolusaun Governu Kona-ba Prezervasaun Bee Inklui Planu Intervensaun Hodi Reabilita Urjente Infraestrutura Ne'ebé Hetan Estragus Hosi Kalamidade
Dili, 27 Setembru 2023
Ministru Obras Públika-Samuel Marçal iha kuarta ne'e, partisipa reuniaun Konsellu Ministru (KM), ne'ebé lidera hosi Primeiru Ministru Kay Rala Xanana Gusmão, iha Palasiu Governu.
Ho nunee, Ministériu Obras Públikas no Bee Timor-Leste (BTL.EP) kontinua tau prioridade hodi rezolve problema abastesimentu nian ho lais, ho avaliasaun no reabilitasaun ba infraestrutura sira kanalizasaun nian ne’ebé eziste, nune’e mós nia eventuál rekonstrusaun, hodi garante fornesimentu bee ne’ebé adekuadu ba populasaun.
Autoridade públika kompetente sira mós iha responsabilidade hodi koordena inisiativa sira sensibilizasaun nian kona-ba importánsia husi poupa no uzu responsavel ba bee no infraestruturas kanalizasaun nian.
Entretantu iha reuniaun ne'e mós Konsellu Ministrus aprova planu intervensaun ho karater urjente, ne’ebé aprezenta hosi Ministru Obras Públikas'Samuel Marçal, hodi reabilita no rekonstrui ho urjénsia infraestruturas ne’ebé afeta hosi kalamidade ne’ebé akontese iha munisípiu ualu hosi loron 2 to’o 7 fulan-jullu tinan 2023.(*)
Mídia-MOP
